کراچی میں موبائل فون میں مگن خاتون کھلے مین ہول میں گرگئی جس کی ویڈیو وائرل ہوگئی۔
اے آر وائی نیوز کے مطابق کراچی کے علاقے سرجانی ٹاؤن میں خاتون راستے میں کھلے مین ہول میں گرگئی جس کی ویڈیو سی سی ٹی وی کیمرے میں محفوظ ہوگئی۔
خاتون کے گٹر میں گرنے کی ویڈیو وائرل ہوگئی، لوگوں نے خاتون کو گٹر سے نکالا۔
- Advertisement -
ویڈیو میں دیکھا جاسکتا ہے کہ خاتون موبائل فون استعمال کرتی جارہی تھی کہ گٹر کے پاس رکھی اینٹ سے ٹکرا کر گرگئی۔
اس سے قبل بھارت میں خاتون جو موبائل فون میں مگن تھی اور بچے کے ساتھ جارہی تھی کہ چلتے چلتے کھلے گٹر میں گرگئی تھی۔
خاتون کے بچے سمیت گٹر میں گرتا دیکھ کر لوگ وہاں اکٹھے ہوگئے اور انہوں خاتون کو نکالا اور دونوں کی جان بچائی۔
