قومی کرکٹر شعیب ملک کی اہلیہ و اداکارہ ثنا جاوید کے ساتھ تصویر وائرل ہوگئی۔
فوٹو اور ویڈیو شیئرنگ ایپ انسٹاگرام پر شعیب ملک نے ثنا جاوید کے ساتھ تصویر شیئر کی جس میں انہیں خوشگوار موڈ میں پوز دیتے دیکھا جاسکتا ہے۔
انہوں نے تصویر شیئر کرتے ہوئے کیپشن میں ثنا جاوید کو مخاطب کیا اور سرخ دل کی ایموجی بھی بنائی۔
View this post on Instagram
شعیب ملک کے چند گھنٹوں قبل یہ تصویر شیئر کی جسے ہزاروں کی تعداد میں مداح دیکھ چکے ہیں اور اس پر ملے جلے تبصرے کررہے ہیں۔
ثنا جاوید نے بھی اپنے اکاؤنٹ سے یہی تصویر شیئر کی اور لوکیشن میں بتایا کہ وہ نیویارک میں موجود ہیں۔
یہ پہلی بار نہیں ہے کہ شعیب ملک نے اہلیہ کے ساتھ تصویر شیئر کی ہو اس سے قبل بھی فوٹو شوٹ کی تصاویر انہوں نے شیئر کی تھیں جو وائرل ہوگئی تھیں۔
View this post on Instagram
واضح رہے کہ ثنا جاوید اور شعیب ملک نے 20 جنوری کو اپنی شادی کا اعلان کیا تھا، اس جوڑی نے اپنے اپنے سوشل میڈیا اکاؤنٹس پر شادی کی تصاویر پوسٹ کی تھیں۔
View this post on Instagram
شعیب اور ثنا کی یہ دوسری شادی ہے، شعیب ملک نے پہلی شادی سال 2010 میں بھارتی ٹینس اسٹار ثانیہ مرزا سے کی تھی جبکہ ثنا جاوید نے پہلی شادی سال 2020 میں گلوکار عمیر جیسوال سے کی تھی۔
