بھارتی ریاست ہرریانہ میں ایک خوفناک بس حادثے میں 8 افراد زندہ جل گئے، جبکہ درجنوں زخمی ہوگئے۔
بین الاقوامی خبر رساں ادارے کی رپورٹ کے مطابق بس میں لگنے والی آگ اتنی شدید تھی کہ کچھ ہی دیر میں پوری بس جل کر راکھ ہوگئی، لاشوں اور زخمیوں کو مقامی اسپتال منتقل کردیا گیا ہے۔
رپورٹس کے مطابق حادثے میں مرنے والے چندی گڑھ اور پنجاب کے رہنے والے بتائے جارہے ہیں، جبکہ متاثرہ بس میں تقریباً 60 افراد سوار تھے۔ ان میں بچے اور خواتین بھی شامل تھیں۔
مقامی افراد نے میڈیا کو بتایا کہ رات گئے انہوں نے دیکھا کہ چلتی ہوئی بس میں آگ لگی ہوئی ہے، ایک نوجوان نے بائک پر بس کا پیچھا کیا اور اپنی بائک بس کے آگے روک کر اسے رکوایا۔
ایران میں شدید بارشوں سے سیلاب، 7افراد جاں بحق
فائر بریگیڈ کو طلب کیا گیا جب تک بہت دیر ہوچکی تھی، ایمبولینس اور دیگر گاڑیوں کی مدد سے آگ میں جھلسنے والے افراد کو قریبی اسپتال میں منتقل کردیا گیا ہے۔
