حیدرآباد: پریٹ آباد کی رہائشی لڑکی کے اغوا کا واقعہ ڈرامہ نکلا، لڑکی نے گھر سے باہر رہنے کا پلان بنایا تھا۔
تفصیلات کے مطابق 9 روز قبل حیدر آباد کے علاقے پریٹ آباد کی لڑکی کے اغوا ہونے کا واقعہ ڈرامہ نکلا، پولیس نے بتایا کہ لڑکا اور لڑکی ایک دوسرے کو پسند کرتے تھے، ملکر گھر سے باہر رہنے کا پلان بنایا تھا۔
حیدر آباد پولیس نے بتایا کہ پیسے ختم ہونے پر گھر والوں کو کہا اغوا کر لیا گیا ہے، تاہم لڑکا اور لڑکی آج کھنڈو اسٹاپ سے ملے ہیں، جس کے بعد لڑکی کا میڈیکل کرایا گیا۔
- Advertisement -
پولیس کا کہنا ہے کہ لڑکی کے میڈیکل رپورٹ میں بے ہوشی کی کوئی علامت نہیں ملی، لڑکی نے 9 روز قبل کال کر کے کہا تھا آفس سے گھر آرہی ہوں جس کے بعد وہ لاپتہ ہوگئی تھی۔
