چین نے بحری جہازوں پر بیرون ملک سے آنے والے گروہوں کو بغیر ویزا داخلے کی اجازت دے دی۔
چین نے بین الاقوامی سیاحوں کو راغب کرنے اور اپنی ٹریول مارکیٹ کو فروغ دینے کے لیے کروز بحری جہازوں کے ذریعے ملک آنے والے غیر ملکی ٹور گروپس کے لیے ویزا فری داخلے کی سہولت فراہم کی ہے۔
نیشنل امیگریشن ایڈمنسٹریشن کے مطابق، کروز بوٹس پر بیرون ملک ٹور گروپ 15 دن تک بغیر ویزے کے چین میں داخل ہو سکیں گے اور قیام کر سکیں گے۔
اس نئی پالیسی کا اطلاق 15 مئی سے ہو چکا ہے۔
امیگریشن انتظامیہ کے ایک سینئر اہلکار ماو سو نے بیجنگ میں پریس کانفرنس میں کہا کہ ٹور گروپ شنگھائی، چنگ ڈاؤ، ڈالیان اور ہائیکو سمیت 13 بندرگاہوں سے چین میں داخل ہو سکتے ہیں۔
ماؤ نے کہا کہ کوالیفائنگ ٹور گروپوں کو ڈومیسٹک ٹریول ایجنسیوں کے ذریعہ وصول کرنے اور سنبھالنے کی ضرورت ہے اور انہیں ساحلی صوبوں کے ساتھ ساتھ دارالحکومت بیجنگ کا سفر کرنے کی اجازت دی جائے گی۔