اسلام آباد: پیپلز پارٹی کے شریک چیئرمین اور سابق صدر آصف زرداری کے خلاف ایس جی ایس اور کو ٹیکنا ریفرنسز میں بریت کی درخواست مسترد ہوگئی ہے،اسلام آباد کی احتسا ب عدالت نے آٹھ جنوری کو گواہ طلب کرلئے ہیں۔
اسلام آباد کی احتساب عدالت میں سابق صدر آصف علی زرداری کے خلاف ایس جی ایس اور کو ٹیکنا ریفرنسز کیس کی سماعت ہوئی، سماعت کے دوران احتساب عدالت نےآصف علی زرداری کیخلاف ایس جی ایس اور کو ٹیکنا ریفرنسز میں بریت کی درخواست مسترد کردی ہے۔
عدالت نے آٹھ جنوری کو گواہ طلب کر لئے ہیں۔
اس سے قبل سماعت میں احتساب عدالت کے جج محمد بشیر نے آصف زرداری کی بریت کی درخواست پر فیصلہ سنایا تھا، عدالت نے ناکافی شواہد پر سابق صدر کو اے آر وائی گولڈ اور ارسس ٹریکٹر ریفرنس میں بری کر دیا۔
واضح رہے عدالت اس سے پہلے پولو گراؤنڈ ریفرنس میں بھی آصف زرداری کو بے گناہ قرار دے چکی ہے۔
