مشہد: ہیلی کاپٹر کے افسوسناک حادثے میں شہید ہونے والے ایرانی صدر ابراہیم رئیسی اور وزیر خارجہ امیر عبداللہیان سمیت دیگر حکام کی نمازجنازہ آج تبریز میں ادا کی جائے گی۔
ایران کے سرکاری میڈیا نے حادثے کا سبب ہیلی کاپٹر میں تکنیکی خرابی کو قرار دیتے ہوئے کہا کہ ایرانی صدر کے ہیلی کاپٹر کا ملبہ ایرانی ڈرونزنے سرچ کیا تھا۔
ایرانی صدر ابراہیم رئیسی کی وفات پر مشہد اور قم سمیت مختلف شہروں میں سوگ کی فضا برقرار ہے، جبکہ ایران میں قومی سانحے پرآج سے پانچ روزہ یوم سوگ منایا جائے گا۔
- Advertisement -
دوسری جانب ایرانی آرمی چیف نے صدر ابراہیم رئیسی کے ہیلی کاپٹر حادثے کی تحقیقات کا حکم دے دیا۔
ایرانی صدر سمیت دیگر حکام کی لاشیں منتقل کرنے کی ویڈیو سامنے آگئی
میڈیا رپورٹس کے مطابق چیف آف اسٹاف محمد باقری نے اعلیٰ سطح کمیٹی کو حادثے کی تحقیقات کا حکم دیا ہے۔ اعلیٰ سطح کمیٹی ہیلی کاپٹر حادثے کی وجوہات کاتعین کریگی۔
