اسلام آباد : آئی ایم ایف کی شرائط پر بجٹ میں دودھ ، چائے کی پتی، چاول ، آٹا اورچینی مہنگی ہونے کا خدشہ ہے۔
تفصیلات کے مطابق پاکستانی عوام تیاری کرلیں ،ذرائع کا کہنا ہے کہ وفاقی بجٹ کے بعد مہنگائی بڑھنے کا خدشہ ہے۔
آئی ایم ایف نے سیلز ٹیکس کی چھوٹ مزید کم کرنے کا مطالبہ کر دیا، جس سےدودھ، چائے پتی، چینی، پیکٹ دودھ، چاول اورآٹامزید مہنگا ہوسکتا ہے ۔
- Advertisement -
ذرائع کا کہنا ہے عالمی مالیاتی فنڈ نے سیلز ٹیکس رعایتیں ختم اور محدود کرنے کا بھی مطالبہ کیا ہے اور زیرو ریٹڈ سیل ٹیکس سیکٹر پر پانچ سے دس فیصد سیلزٹیکس لگانے کا مطالبہ کیا ہے۔
عالمی مالیاتی فنڈ کا دباؤ ہے کہ فاٹا اورپاٹا میں ٹیکسوں کی چھوٹ تیس جون کو ختم کردی جائے، جس کےبعد فاٹا اورپاٹا میں کھلی چائے پتی پرسیلزٹیکس عائد کیا جا سکتا ہے۔
