اسرائیل کی جانب سے رفح میں کی جانے والی بربریت کے خلاف میکسیکو میں اسرائیلی سفارت خانے کے باہر احتجاج کرنے والے مظاہرین اور پولیس کے درمیان شدید جھڑپیں ہوئیں۔
عرب میڈیا کا اس حوالے سے کہنا ہے کہ منگل کے روز میکسیکو سٹی میں تقریباً 200 افراد نے اسرائیلی سفارت خانے کے باہر احتجاجی مظاہرہ کیا۔
رپورٹ کے مطابق اس مظاہرے کے دوران صورتحال اس وقت زیادہ خراب ہوگئی جب کچھ مظاہرین نے اسرائیلی سفارت خانے تک پہنچنے کے لیے رکاوٹیں ہٹانے کی کوشش کی۔
اس دوران پولیس اہلکاروں نے مظاہرین پر آنسو گیس کی شیلنگ کردی، مظاہرین نے اپنے چہرے ڈھانپے ہوئے تھے اور راستہ روکنے پر مشتعل ہوکر پولیس پر پتھراؤ بھی کیا۔
فلسطینی وزارت صحت کے بیان میں کہا گیا ہے کہ 7 اکتوبر سے جاری اسرائیلی حملوں میں فلسطینی شہدا کی تعداد 36 ہزار 96 تک پہنچ چکی ہے۔
رفح کے پناہ گزین کیمپ پر کون سا تباہ کن امریکی بم مارا گیا؟ سی این این کی رپورٹ
اسرائیلی حملوں میں اب تک 81 ہزار 136 فلسطینی زخمی ہوچکے ہیں۔ اسپتالوں میں علاج کی سہولیات نہ ہونے کے برابر ہیں۔
