کویت کے امیر شیخ مشعل الاحمد الصباح نے شیخ صباح خالد الحمد الصباح کو مملکت کا نیا ولی عہد مقرر کرنے کا اعلان کر دیا۔
عرب میڈیا کی رپورٹس کے مطابق شیخ مشعل الاحمد الصباح نے کویتی وزیر اعظم کو حکم پر عمل درآمد کرنے کی ہدایت کی۔ 1964 کے قانون شق 4 کو مدنظر رکھتے ہوئے آئین کا جائزہ لینے کے بعد امیری آرڈر جاری کیا گیا۔
امیری حکم 15 مئی 2024 کو وزیر اعظم کی تقرری سے متعلق جاری کیا گیا تھا جبکہ 10 مئی 2024 کا آرڈر اور فرمان نمبر 73 کابینہ کی تشکیل کیلیے جاری کیا گیا تھا۔
آرٹیکل (1) کے مطابق شیخ صباح خالد الحمد المبارک الصباح کی بطور ولی عہد تقرری کو منظور کیا جائے گا، آرٹیکل (2) کے مطابق وزیر اعظم کو مناسب آئینی اقدامات کرنے کیلیے یہ معاملہ وزرا کی کونسل میں پیش کرنا چاہیے جبکہ آرٹیکل (3) کے مطابق یہ حکم اس کے جاری ہونے کی تاریخ سے نافذ العمل ہوگا اور اسے سرکاری گزٹ میں شائع کیا جائے گا۔
امیر شیخ مشعل الاحمد الصباح نے مذکورہ حکم سیف پیلس میں میں جاری کیا۔
