ممبئی: نامور فلمساز سنجے لیلا بھنسالی کی نیت فلیکس پر ریلیز ویب سیریز ’ہیرا منڈی‘ کے سیزن 2 کے منتظر مداحوں کیلیے بڑی خوشخبری آگئی۔
نیٹ فلیکس نے فوٹو اینڈ شیئرنگ ایپ انسٹاگرام پر معروف بھارتی فلمساز سنجے لیلا بھنسالی کی ہیرامنڈی ’دی ڈائمنڈ بازار‘ کے سیزن 2 کا اعلان کردیا۔
بھارتی ویب سیریز ”ہیرا منڈی: دی ڈائمنڈ بازار“ نے نیٹ فلیکس پر آن ائیر ہونے کے بعد بہت مقبولیت حاصل کی، بین الاقوامی ناظرین کی ایک بڑی تعداد کی جانب سے اس سیریز کو سراہا گیا۔
View this post on Instagram
یکم مئی کو ریلیز ہونے والی ہیرا منڈی کی ہدایتکاری مشہور بالی ووڈ فلم ساز سنجے لیلا بھنسالی نے کی، مقبول ڈائریکٹر سنجے لیلا بھنسالی اپنی ڈیبیو سیریز ہیرا منڈی کو اپنے کیرئیر کا سب سے بڑا پراجیکٹ قرار دے چکے ہیں۔
اس ویب سیریز کی کاسٹ میں منیشا کوئرالہ، سوناکشی سنہا، ادیتی راؤ حیدری، سنجیدہ شیخ، رچا چڈھا، فردین خان، شرمین سہگل، شیکھر سمن اور دیگر شامل ہیں، سیریز کے پہلے سیزن میں فردین خان، طحہٰ شاہ بدوشا، شیکھر سمن، ادھیان سمن، فریدہ جلال، اور اندریش ملک نے بھی کام کیا۔
تاہم، اب منفرد انداز میں ہیرا منڈی سیزن 2 کا اعلان ہوگیاہے، نیٹ فلیکس انڈیا کے آفیشل انسٹاگرام پیج نے ممبئی کے کارٹر روڈ پر 100 رقاصوں کی ایک ویڈیو شیئر کی ہے جس میں رقاصوں کو ہیرا منڈی کے مقبول گانے پر رقص کرتے ہوئے دیکھا جاسکتا ہے۔
نیٹ فلیکس انڈیا نے ویڈیو شیئر کرتے ہوئے کیپشن میں لکھا کہ ’ محفل پھر سے جمیگی، ہیرامنڈی: سیزن 2 جو آئے گا‘۔
