کراچی: حیدرآباد گیس سلنڈر دھماکے کے مزید 2 زخمی دوران علاج دم توڑ گئے، جاں بحق ہونے والے افراد کی مجموعی تعداد 16 تک پہنچ گئی۔
اے آر وائی نیوز کے مطابق اسپتال انتظامیہ کا کہنا ہے کہ سول برنس وارڈ میں زیر علاج مزید 2 زخمی دوران علاج چل بسے۔
اسپتال انتظامیہ کے مطابق جاں بحق افراد کی شناخت 15سالہ عمیر، 14 سالہ عباس کے نام سے ہوئی ہے، اسپتال میں زیر علاج 7 زخمیوں کی حالت تشویشناک ہے۔
- Advertisement -
واضح رہے کہ 3 روز قبل حیدرآباد کے علاقے پریٹ آباد میں گیس سلنڈر کی دکان میں دھماکا ہوا تھا جس کے بعد آگ بھڑک اٹھی تھی۔
کوئٹہ: کوئلے کی کان میں دم گھٹنے سے 11 مزدور جاں بحق
آتشزدگی کے باعث دکان میں موجود سلنڈر دھماکوں سے پھٹ گئے تھے، دھماکے اور آتشزدگی سے آس پاس کی عمارتوں کو بھی نقصان پہنچا تھا۔ مرنے والوں میں زیادہ تعداد بچوں کی ہے۔
