شوبز انڈسٹری کی معروف اداکارہ ہانیہ عامر نے سوشل میڈیا پر شہرت میں عائزہ خان سمیت تمام اداکاراؤں کو پیچھے چھوڑ دیا۔
اے آر وائی ڈیجیٹل کے ڈرامہ سیریل ’مجھے پیار ہوا تھا‘ میں اداکاری کے جوہر دکھانے والی اداکارہ ہانیہ عامر کے انسٹاگرام پر فالوورز کی تعداد 41.1 ملین ہوگئی ہے جس کے بعد وہ پاکستان کی سب سے زیادہ فالو کی جانے والی اداکارہ بن گئی ہیں۔
اس سے قبل عائزہ خان سب سے زیادہ فالو کی جانے والی اداکارہ تھیں جو اب دوسرے نمبر پر آگئی ہیں، عائزہ خان کے انسٹاگرام فالوورز کی تعداد 40 ملین سے زائد ہے۔
واضح رہے کہ ایک ڈیڑھ سال تک انسٹاگرام پر فالوورز کی دوڑ میں ایمن خان سرفہرست تھیں اب ان کے فالوورز کی تعداد 12.1 ملین ہے۔
ایمن خان کی بہن و اداکارہ منال خان کے انسٹا گرام فالوورز کی تعداد 10.2 ملین سے زائد ہے۔
اداکارہ ہانیہ عامر اور عائزہ خان دونوں ہی انسٹاگرام پر کافی متحرک رہتی ہیں اور اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
