ممبئی: معروف بالی وڈ اداکارہ اور حال ہی میں لوک سبھا انتخابات میں کامیاب ہونے والی کنگنا رناوت کو ایئرپورٹ پر خاتون سکیورٹی اہلکار نے تھپڑ جڑ دیا۔
میڈیا رپورٹس کے مطابق کنگنا رناوت ریاست ہماچل پردیش کے حلقے منڈی سے رکن پارلیمنٹ منتخب ہوئی ہیں۔ اداکارہ کے ساتھ چنڈی گڑھ ایئرپورٹ پر واقعہ پیش آیا۔
ہوا کچھ یوں کہ کنگنا رناوت نئی دہلی روانہ ہونے کیلیے اپنے عملے کے ہمراہ چنڈی گڑھ ایئرپورٹ پہنچیں جہاں انہیں تلاشی لینے کیلیے روکا گیا اور اس دوران خاتون سکیورٹی اہلکار نے انہیں تھپڑ رسید کیا۔
BIG BREAKING ⚡
Kangana Ranaut slapped by a lady CISF officer at Chandigarh airport.
Brave CISF officer was reportedly upset over her Anti-Farmer remarks.
Sheran Di Kaum Punjabi pic.twitter.com/V6ZCgnoFIv
— Ankit Mayank (@mr_mayank) June 6, 2024
اب تک یہ معلوم نہیں ہو سکا نو منتخب رکن پارلیمنٹ کو کس بات پر خاتون اہلکار نے تھپڑ مارا۔ واقعے کے بعد کنگنا رناوت عملے کے ہمراہ نئی دہلی کیلیے روانہ ہوگئیں جبکہ خاتون اہلکار سے حکام تفتیش کر رہے ہیں۔
CISF woman who slapped Kangana Ranaut #KanganaRanaut pic.twitter.com/fLL9O7CpT9
— Siddharth (@SidKeVichaar) June 6, 2024
سوشل میڈیا پر ایئرپورٹ کی ویڈیو زیرِ گردش ہے جہاں گرما گرمی دیکھی جا سکتی ہے۔ اداکارہ و رکن پارلیمنٹ کو تھپڑ مارنے کے بعد خاتون سکیورٹی اہلکار کو غصے میں چیختے ہوئے بھی دیکھا جا سکتا ہے۔
ذرائع کے مطابق خاتون اہلکار نے کنگنا رناوت کو تھپڑ مارنے کی وجہ بتاتے ہوئے کہا کہ اداکارہ نے تین زرعی قوانین کے خلاف پنجاب کی خواتین کے بارے میں نامناسب بیان دیا تھا۔
بعدازاں کنگنا رناوت نے اپنے ویڈیو پیغام میں بتایا کہ وہ بالکل ٹھیک ہیں، انہیں خاتون اہلکار نے تلاشی کے دوران تھپڑ مارا۔ انہوں نے کہا کہ میں اس بارے میں وزارت داخلہ میں شکایت درج کروائی گی۔
