امریکا نے پاکستان کو آئی سی سی مینز ٹی 20 ورلڈ کپ کے میچ میں سپر اوور میں 5 رنز سے شکست دے کر ایونٹ میں مسلسل دوسری کامیابی حاصل کر لی۔
پاکستانی ٹیم کو امریکا سے ہار کے بعد سوشل میڈیا پر شائقین کرکٹ کی جانب سے شدید تنقید کا سامنا ہے، جبکہ سابق کرکٹرز کی جانب سے قومی ٹیم پر شدید تنقید کی جارہی ہے۔
شائقین کرکٹ کا رد عمل دیتے ہوئے کہنا تھا کہ پاکستانی ٹیم کو ہارنے کی عادت ہو گئی ہے، کسی نے کہا کہ کہ یہ صرف گھومنے پھرنے آئے ہیں کھیلنے نہیں۔
پاکستان کے لیجنڈری اسکرپٹ رائٹر، میزبان اور مزاح نگار انور مقصود کی ایک ویڈیو بھی امریکا سے ہارنے کے بعد سوشل میڈیا کی زینت بنی ہوئی ہے، جس میں اُن کا کہنا ہے کہ پاکستان امریکا سے مجبوری میں ہارا ہے کیونکہ آئی ایم ایف سے ابھی قرضہ ملنا ہے، شاید آئی ایم ایف کی یہ بھی شرط ہو کہ امریکا سے ہارو پھر پیسے ملیں گے۔
پاکستان امریکا سے مجبوری میں ہارا ہے، آئی ایم ایف سے ابھی قرضہ ملنا ہے، انور مقصود 🧐#PakvsUSA pic.twitter.com/hsrgnUYIUl
— Mughees Ali (@mugheesali81) June 6, 2024
قومی ٹیم کے معروف سابق کھلاڑی سعید انور کا کہنا تھا کہ کس نے سوچا ہوگا کہ امریکہ جیسی نوزائیدہ ٹیم ہمیں اتنا مشکل وقت دے گی؟ سابق بلے باز نے کہا کہ پاکستان کرکٹ ٹیم کی غیر یقینی صورتحال اپنے عروج پر ہے۔
پی ٹی آئی کے سابق وزیر فواد چوہدری نے اپنے رد عمل میں کہا کہ اس سے پہلے کے اگلا میچ ہو چیف جسٹس صاحب سے گزارش ہے اس ٹیم سے بلا چھین لیں۔
اس سے پہلے کے اگلا میچ ہو چیف جسٹس صاحب سے گزارش ہے اس ٹیم سے بلا چھین لیں، ۔۔۔۔ #PakVSUSA #WcT20
— Ch Fawad Hussain (@fawadchaudhry) June 7, 2024
ویڈیو: میچ کی آخری گیند پر چوکا، بابر اعظم حارث رؤف پر پھٹ پڑے
واضح رہے کہ رواں ورلڈکپ میں امریکا نے دوسری کامیابی حاصل کرلی ہے، پاکستا ن کے خلاف جیت کے بعد امریکا گروپ اے میں 4 پوائنٹس کے ساتھ ٹاپ پوزیشن پر براجمان ہوگیا ہے۔
