آپ جان کر حیران رہ جائیں گے کہ اس شہر میں زمینوں کی قیمت کو آگ لگ گئی اور صرف تین دن میں قیمت دوگنی ہوگئے۔
ملک میں تیسری بار نریندر مودی کی حکومت آنے کے بعد ریاست آندھرا پردیش کے شہر امراوتی میں زمین خریدنا محال ہوگیا، 12 جون کے بعد تو زمین کی قیمت ڈبل ہوچکی ہے۔ ریاست کے مستقبل کے وزیر اعلی چندرا بابو نائیڈو کے لیے لگتا ہے اچھے دن آ گئے ہیں۔
چندرا بابو 12 جون کو امراوتی میں آندھرا پردیش کے وزیراعلی کی حیثیت سے حلف اٹھائیں گے، تاہم ان کے منصب سنبھالنے سے قبل ہی یہاں زمین کی قیمت 3 دن میں دوگنی ہوگئی ہے۔
وزیراعلیٰ بننے والے چندرا نے اعلان کیا ہے کہ وہ امراوتی کو اس ریاست کا سبز دارلحکومت بنائیں گے اور اسے ترقی کی جانب گامزن کریں گے۔
ان کے اعلان کے بعد پراپرٹی کی قیمتوں میں تیزی سے اضافہ ہوا ہے، وہ اس سے قبل 2014 سے 2019 تک ریاست کے وزیر اعلیٰ رہے ہیں۔ اسی مدت میں چندرا بابو نائیڈو نے امراوتی کو دارالحکومت بنانے کی تجویز پیش کی تھی۔
اب وہ چاہتے ہیں کہ امراوتی کو ماحولیاتی لحاظ سے مزید خوشحال بنائیں، یہ شہر وجے واڑہ اور گنٹور شہروں کے درمیان میں واقع ہے اور 29 گاؤں پر مشتمل ہے۔
بھارت کے موقر اخبار کے مطابق لوک سبھا انتخابات کے نتائج آنے کے بعد آندھرا پردیش کے امراوتی شہر میں رئیل اسٹیٹ کی قیمتوں میں 50 سے 100 فیصد اضافہ ہوا ہے۔
اس کی وجہ یہ ہے کہ چندرابابو نائیڈو شروع سے ہی امراوتی شہر کو دارالحکومت کے طور پر ترقی دینے میں دلچسپی رکھتے ہیں، اس لیے اگر آنے والے دنوں میں یہ اعلان کیا جاتا ہے تو اس سے امراوتی کو کافی فائدہ ہوگا۔
امراوتی میں زمین کی قیمتیں
اس شہر میں 2019 میں زمین کی قیمتیں 25,000 سے 60,000 اسکوائریارڈ تھیں۔ جگن موہن ریڈی کی حکومت کے قیام کے بعد قیمتیں 9000 روپے سے 18000 روپے اسکوائریارڈ ہو گئیں۔
اب چندرابابو نائیڈو کے اقتدار میں واپسی کے بعد یہاں زمین کی قیمتیں 30,000 روپے سے 60,000 روپے اسکوائریارڈ ہو گئی ہیں۔
