پشتو فلم کی اداکارہ خوشبو کو نوشہرہ میں نامعلوم افراد نے قتل کردیا۔
اے آر وائی نیوز کے مطابق پولیس کا بتانا ہے کہ بھائی کی مدعیت میں دو افراد کے خلاف قتل کا مقدمہ درج کرلیا گیا ہے، صبح مقامی پولیس کو اکبر پورہ کے کھیتوں سے خاتون کی لاش ملی تھی۔
پولیس کا بتانا ہے کہ لاش کو تحویل میں لے کر پوست مارٹم کروایا گیا۔
اداکارہ کے بھائی نے پولیس کو دیے گئے بیان میں بتایا کہ ملزمان مقتولہ کو شوبز سے روکتے تھے۔
پولیس کا کہنا ہے کہ اسٹیج فنکارہ خوشبو کا تعلق صوابی سے ہے۔
تفتیشی حکام کا کہنا ہے کہ مقدمے میں نامزد ملزمان کی گرفتاری کے لیے چھاپے مارے جارہے ہیں۔
