اسلام آباد: وفاقی کابینہ نے مالی سال 25-2024 بجٹ تجاویزکی منظوری دے دی۔
تفصیلات کے مطابق وزیراعظم شہبازشریف کی زیر صدارت وفاقی کابینہ کا اجلاس ہوا۔
جس میں کابینہ نے مالی سال 25-2024 بجٹ تجاویزکی منظوری دے دی۔
- Advertisement -
کابینہ نے 18 ہزار ارب سے زائد کے حجم کی بجٹ تجاویز کی منظوری دی ساتھ ہی کسانوں، نوجوانوں اور صنعتوں کیلئے پیکج کی بھی منظوری دی گئی۔
آئندہ مالی سال تمام اسکیموں کا اعلان وفاقی وزیرخزانہ کی بجٹ تقریرمیں شامل ہوگا۔
اجلاس سے پہلے کابینہ ارکان کو بجٹ دستاویزات فراہم کی گئیں اور وزیراعظم نے بجٹ تجاویز پر دستخط کردیے۔
وزیر خزانہ محمد اورنگزیب 18 ہزار ارب سے زائد حجم کا بجٹ قومی اسمبلی میں پیش کریں گے۔
