حیدرآباد : ٹنڈو جام میں مسافر کوسٹر اور ٹرک میں تصادم کے نتیجے میں بیس افراد زخمی ہوگئے، جس میں چار کی حالت تشویشناک ہیں۔
تفصیلات کے مطابق حیدرآباد کے نواحی علاقے ٹنڈو جام میں مسافر کوسٹر اور ٹرک میں خوفناک تصادم ہوا۔
جس کے کے نتیجے میں بیس افراد زخمی ہوگئے، پولیس نے بتایا کہ زخمیوں کو سول اسپتال منتقل کر دیا ہے، جہاں چار کی حالت تشویشناک بتائی جارہی ہے۔
- Advertisement -
مسافر کوسٹر ٹنڈو الہ یار سے حیدرآباد آ رہی تھی۔۔ حادثہ اوورٹیک کرنے کے دوران پیش آیا۔
یاد رہے گذشتہ ہفتے کراچی کے علاقہ نارتھ ناظم آباد کے ڈی اے پل پر ٹریفک حادثہ پیش آیا تھا، جہاں ٹریلر اور کار کے درمیان خوفناک تصادم ہوا۔
حادثے کے نتیجے میں کار سوار خاتون جاں بحق اور تین خواتین سمیت چارافراد زخمی ہوگئے تھے۔
پولیس نے بتایا تھا کہ تیز رفتار کار بے قابو ہو کر ٹریلر سے جا ٹکرائی۔
