کراچی : کامران چورنگی کے قریب مسلح ڈاکو قربانی کے بکروں سے بھرا ٹرک چھین کر فرار ہوگئے۔
تفصیلات کے مطابق کراچی کے علاقے گلستان جوہر کامران چورنگی کےقریب ملزمان بکروں کا ٹرک چھین کر فرار ہوگئے۔
متاثرہ بیوپاری نےگلستان جوہرتھانےمیں واردات کی درخواست جمع کر ادی ہے۔
متاثرہ شہری نے بتایا کہ حیدرآباد سے ٹرک بکرےلیکرگلستان جوہرکامران چورنگی پہنچاتھا تو 2 موٹرسائیکلوں پر4 ملزمان نےٹرک ڈرائیورکواسلحہ کےزور پریرغمال بنایا۔
بیوپاری کا کہنا تھا کہ ٹرک ڈرائیورکامران چورنگی پرایڈریس معلوم کر رہا تھا، ملزمان ٹرک ڈرائیورسےنقدی اور موبائل فون بھی چھین کر فرارہوئے۔
متاثرہ شہری نے بتایا کہ مقدمہ درج کرانےگلستان جوہرتھانے گئے،اہلکاروں نے کہاایس ایچ او موجود نہیں ہے، ایس ایچ او آج صبح 12 بجے تھانے آئیں گے پھرمقدمہ کیلئے آنا۔
،بیوپاری ریحان نے کہا کہ ڈاکوؤں کے ہاتھوں چھینے گئے قربانی کے بکروں کی مالیت 15 لاکھ روپے ہے۔
