کراچی : ایم کیو ایم کے رہنما خالد مقبول صدیقی کا کہنا ہے کہ قیدی نمبر 804 کا ڈومیسائل اتنا کمزور نہیں کہ وہ باہر نہ آ سکے۔
تفصیلات کے مطابق ایم کیو ایم کے رہنما خالد مقبول صدیقی نے اپنے بیان میں کہا کہ اٹھارہویں ترمیم کاکچھ صوبوں کوفائدہ تو کچھ کونقصان ہوا، اٹھارہویں ترمیم اقتدار کی نچلی سطح پر اختیارات کےطور پر ثابت ہوئی ہے.
خالد مقبول صدیقی نے تجویز دی کہ ٹیکس زراعت پر لگائیں یا نہ لگائیں آپ انکم پر ٹیکس لگائیں۔
پیپلز پارٹی کے بجٹ پر احتجاج پر ان کا کہنا تھا کہ پیپلزپارٹی بجٹ کےموقع پر ایوان میں رہی ان کاٹوکن احتجاج تھا۔
بانی پی ٹی آئی سے متعلق رہنما ایم کیو ایم نے کہا کہ قیدی نمبر 804 کا ڈومیسائل اتنا کمزور نہیں کہ وہ باہر نہ آ سکے۔
ان کا مزید کہنا تھا کہ ہم نے تعلیم کے میدان میں ایمرجنسی لگا دی ہے، تعلیم کےمیدان میں انقلاب برپاکرنا ہے تو دنیا کیساتھ چلنا ہوگا، دنیا کی 100بڑی یونیورسٹیوں نے ڈگریاں ختم کردی ہیں، اب ڈگریوں کےبجائے تعلیم پر توجہ دینا ہوگی۔
ایم کیو ایم کے رہنما نے کہا کہ جتنے متنازع الیکشن ہوں گے، معاشرے میں تقسیم بڑھنے کا خطرہ ہے، ذوالفقار بھٹو پنجاب سے جیتے لیکن وہاں کوٹہ سسٹم نہیں لگایا۔
