اسلام آباد: ایئرپورٹس سیکورٹی فورس نے اسلام آباد ایئر پورٹ پر کارروائی کرتے ہوئے بحرین جانے والی پرواز پر ایک مسافر سے 3600 گرام آئس ہیروئن برآمد کر لی۔
اے ایس ایف کے مطابق بحرین کی پرواز پر جانے والے مسافر محمد سعید نے مذکورہ منشیات دو ہاٹ پاٹس میں مہارت سے چھپا رکھی تھی تاہم اے ایس ایف کے عملے نے سامان کی تلاشی کے دوران ہاٹ پاٹس کو مشکوک قرار دیا اور تلاشی پر اِن میں سے منشیات برآمد کر کے اسمگلنگ کی کوشش ناکام بنا دی۔
اے ایس ایف کا کہنا ہے کہ ملزم کو ابتدائی تفتیش کے بعد برآمد شدہ آئس ہیروئن کے ساتھ اے این ایف حکام کے حوالے کر دیا گیا۔
