پاکستان بھر میں کل عیدالاضحیٰ مذہبی جوش وجذبے کے ساتھ منائی جائے گی گورنر سندھ نے اللہ کی راہ میں قربانی کے لیے جانور خرید لیے۔
پاکستان سمیت خطے میں کل عیدالاضحیٰ کا تہوار مذہبی جوش وجذبے کے ساتھ منایا جا رہا ہے۔ عید کے تین ایام میں اہل اسلام سنت ابراہیمی کی پیروی کرتے ہوئے اللہ کی راہ میں جانوروں کی قربانی پیش کریں گے۔
گورنر سندھ کامران ٹیسوری بھی اس موقع پر کئی جانور اللہ کی راہ میں قربان کریں گے۔
گورنر ہاؤس کے ترجمان کی جانب سے جاری بیان میں کہا گیا ہے کہ عیدالاضحیٰ کے موقع پر گورنر سندھ کامران ٹیسوری نے 100 اونٹ، 10 بیل اور 100 بکرے خریدے ہیں۔
ترجمان کے مطابق گورنر سندھ نے بھاؤ تاؤ کر کے رات گئے فی بیل 10 لاکھ کا خریدا جبکہ فی بکرا 40 ہزار کا خریدا جب کہ وہ 3 لاکھ روپے فی اونٹ کے حساب سے پہلے ہی 100 اونٹ خرید چکے تھے۔
گورنر سندھ کامران ٹیسوری نے کہا کہ عید کے تینوں دن 100 اونٹ قربان کریں گے اور 100 بکرے مستحقین کو دیے جائیں گے۔ جب کہ عید پر راشن بھی تقسیم ہو گا۔