کراچی: عید کے تیسرے روز پکنک کے لئے ہاکس آنے والے 4 افراد سمندر میں ڈوب گئے، جن میں سے تین کو ریسکیو کرلیا گیا۔
ریسکیو حکام کے مطابق ہاکس بے کے سمندر میں ڈوبنے والے 4 افراد میں سے ایک خاتون سمیت 3 افراد کو بچا لیا گیا ہے جب کہ چوتھے لاپتہ شخص شہریار کی تلاش جاری ہے۔
ریسکیو حکام کا کہنا ہے کہ چاروں افراد کا تعلق ایک ہی خاندان سے ہے اور کراچی کے فیڈرل بی ایریا کے رہائشی ہیں۔
اس سے قبل سندھ حکومت نے کراچی کے ساحلی علاقوں میں دفعہ 144 نافذ کرتے ہوئے عید الاضحی کی تعطیلات کے دوران سمندر میں نہانے پر پابندی عائد کردی تھی۔
حکام کے مطابق عید کی چھٹیوں میں شہر کے ساحلوں پر آنے والے افراد کی زندگیوں کے تحفظ کے لیے احتیاطی تدابیر اختیار کی جا رہی ہیں۔
ڈسٹرکٹ ساؤتھ پولیس نے تصدیق کی ہے کہ پولیس اہلکار ساحل سمندر پر تعینات ہیں تاکہ شہریوں کو غیر محفوظ ساحلوں پر سمندر میں نہانے سے روکا جا سکے۔
مردان میں فائرنگ سے ایک ہی خاندان کے 4 افراد قتل
حکام کی جانب سے ساحل سمندر پر جانے والوں سے درخواست کی گئی ہے کہ وہ اس حکم کی تعمیل کریں اور سمندر میں نہانے سے گریز کریں۔
