کراچی: صنعت کار آصف بلوانی کو قتل کرنے والا ملزمان پولیس مقابلے میں مارے گئے، دونوں ملزمان درجنوں ورداتوں میں ملوث تھے۔
تفصیلات کے مطابق کراچی میں تھانہ ڈیفنس کی حدود میں صنعت کار آصف بلوانی قتل کیس میں اہم پیشرفت سامنے آئی۔
ایس ایس پی ساؤتھ ساجد سدوزئی نے بتایا کہ آصف بلوانی بینک سے10لاکھ روپے نکال کرگھرجارہےتھے، انھوں نے ملزمان سے بچنے کیلئے کار بھگائی جوکھمبے سے ٹکرا گئی۔
ساجد سدوزئی کا کہنا تھا کہ پولیس مقابلے میں2ملزمان گزشتہ دنوں مارے گئے تھے، پولیس نے ملزمان کی ہلاکت کے بعد اسلحہ کی فرانزک کرائی ،اسلحہ فرانزک سےتصدیق ہوئی کہ انھی ملزمان نےآصف بلوانی کوقتل کیا تھا۔
انھوں نے بتایا کہ ملزمان ذوالفقار اور شیر علی درجنوں ورداتوں میں ملوث تھے اور بینک سے رقم لیکرنکلنے والوں کو ٹارگٹ کرتے تھے۔
ملزمان کا گروہ شہر میں موٹرسائیکل اور اسٹریٹ کرائم کی ورداتوں میں بھی ملوث ہیں، ہلاک ملزمان کے گروہ کا تعلق اندرون سندھ سے ہے۔
