لاہور : پولیس نے قبرستان سے شیرخوار کی لاش غائب کرنے کے الزام میں سیکیورٹی گارڈ سمیت 3ملزمان کو حراست میں لے لیا۔
تفصیلات کے مطابق لاہور کے میانی صاحب قبرستان سے شیرخوار بچے کی لاش غائب ہونے کے واقعہ کے بعد اہم پیشرفت سامنے آئی ہے۔
پولیس نے سکیورٹی گارڈ سمیت 3افراد کوحراست میں لے لیا ہے یہ واقعہ23اپریل کو میانی صاحب قبرستان میں پیش آیا تھا جس کا مقدمہ درج کرلیا گیا تھا۔
پولیس حکام کے مطابق مدعی کی جانب سے بچے کی لاش چوری کرنے کے شبے میں5افراد کو نامزد کیا گیا تھا، درخواست میں کہا گیا تھا کہ نامعلوم افراد نے3ماہ کے بچے کی میت کو تدفین کے کچھ گھنٹے بعد ہی قبرسے نکال لیاتھا۔
متوفی بچے کے والد عبدالرحمان نے تدفین کے اگلے روز کفن کو قبر سے باہر نکلا دیکھا تو فوری طور پر پولیس کو اطلاع دی تھی۔ واقعے کے بعد پولیس نے تمام پہلوؤں کو مدِنظر رکھتے ہوئے تحقیقات جاری رکھی ہوئی ہیں۔
