امریکی ریاست آرکنسا کے شہر فارڈائیس میں مسلح شخص نے مقامی اسٹور میں فائرنگ کرکے 3 افراد کو موت کی نیند سلادیا، جبکہ 2پولیس افسران سمیت 10 افراد زخمی ہوگئے۔
غیر ملکی ذرائع ابلاغ کے مطابق فائرنگ کا واقعہ گراسری اسٹور میں پیش آیا حملہ آور کو پولیس نے فائرنگ کرکے زخمی کیا اور حراست میں لے لیا۔
میڈیا سے بات کرتے ہوئے آرکنسا پولیس کے مقامی افسران کہنا تھا کہ واقعے میں زخمی ہونے والے پولیس اہلکار اور گرفتار ملزم کی حالت خطرے سے باہر ہے جبکہ دیگر شہریوں میں سے بھی اکثر کی حالت بہتر ہے تاہم کچھ کی حالت نازک ہے۔
یاد رہے کہ امریکا میں اس قسم کے واقعات میں مسلسل اضافہ ہورہا ہے، 2024 کی آغاز سے اب تک 234 ماس شوٹنگ کے واقعات رپورٹ ہو چکے ہیں۔
حسن نصر اللہ نے اسرائیل کو خبردار کردیا
امریکی گن وائلنس آرکائیو کے وضع کردہ تشریح کے مطابق حملہ آور کے علاوہ کم از کم چار افراد کو گولیاں لگنے کے واقعے کو ماس شوٹنگ قرار دیا جائے گا۔
