اسلام آباد: سینیٹ کی قائمہ کمیٹی خزانہ کے اجلاس میں فاروق نائیک نے بتایا کہ سویوں، شیر مال، بن اور پاپوں پر بھی سیلز ٹیکس لگا دیا گیا۔

تفصیلات کے مطابق سلیم مانڈوی والاکی زیر سینیٹ کی قائمہ کمیٹی خزانہ کااجلاس ہوا ، جس میں بتایا گیا کہ بجٹ میں برانڈ کی ڈبل روٹی اورپاپوں پر 10 فیصد سیلزٹیکس لگایا گیا ہے۔

فاروق نائیک کا کہنا تھا کہ سویوں، شیر مال، بن اور پاپوں پر بھی سیلز ٹیکس لگا دیا گیا، غریب آدمی اب عید پر بھی سویاں نہیں کھا سکے گا۔

ٹیکس حکام نے بتایا کہ گلی محلوں کی بیکری کی ڈبل روٹی پر سیلز ٹیکس نہیں ہوگا۔

سینیٹر فاروق نائیک نے پوچھا شیر مال پر ٹیکس کس کی سوچ میں آیا، شیر مال تو کراچی والے قورمے کے ساتھ کھاتے ہیں، جس پر انوشے رحمان نے کہا کہ میں شیرمال نہاری کے ساتھ کھاتی ہوں۔