پاکستان کے معروف اداکار شبیر جان کی بیٹی یشمیرا شادی کے بندھن میں بندھ گئیں جس کی تصاویر سوشل میڈیا پر وائرل ہوگئی۔
فوٹو اینڈ شیئرنگ ایپ انسٹاگرام پر یشمیرا جان کی ڈھولکی کی تصاویر کے بعد اب نکاح کی تصاویر زیرِ گردش ہیں جس میں انہیں عروسی جوڑے میں دیکھا جاسکتا ہے۔
View this post on Instagram
یشمیرا جان کی تصاویر کو سوشل میڈیا صارفین کی جانب سے خوب پسند کیا جارہا ہے جبکہ ان کے شوہر نے بھی میچنگ جوڑا پہن رکھا ہے۔
یشمیرا کی نکاخ کی تقریب میں نکاح کی تقریب میں اشناہ شاہ، ہمایوں سعید، روبینہ اشرف، بہروز سبزواری، نبیل ظفر، شہروز سبزواری، صدف کنول، زیبا بختیار، شائستہ لودھی و دیگر شوبز ستاروں نے شرکت کی۔
اس سے قبل اداکارہ کی ڈھولکی کی ویڈیو سامنے آئی تھی اس موقع پر انہوں نے نارنجی رنگ کے ٹراؤزر اور کُرتے کا انتخاب کیا تھا جبکہ انہوں نے اپنے ہاتھوں کو حنا کے رنگوں سے بھی سجایا۔
یاد رہے کہ اس سے قبل شادی کے اس پُر مسرت موقع پر عالمی شہرت یافتہ اداکارہ بشریٰ انصاری کی گائیکی اور بہروز سبزواری کے رقص کی ویڈیو سوشل میڈیا کی زینت بنی تھی، اس موقع پر اداکار عدنان صدیقی اور شبیر جان نے بھی اپنی آواز کا جادو جگایا تھا۔
