کراچی: تاجروں نے بجلی کے بلوں اور غیراعلانیہ لوڈشیڈنگ میں اضافہ مسترد کردیا، بلوں میں مزید اضافہ ظلم قرار دیدیا۔
صدر طارق روڈ ٹریڈز الائنس الیاس میمن نے کہا ہے کہ کے الیکٹرک سے پہلے ہی اضافی بلوں کی شکایات ہیں اب مزید اضافہ ظلم ہے، ہیٹ ویو میں مارکیٹوں میں لوڈشیڈنگ سے کاروبار تباہ ہورہا ہے، کراچی چیمبر آف کامرس اینڈانڈسٹری سے مداخلت کی اپیل ہے۔
الیاس میمن نے کہا کہ مارکیٹوں میں غیراعلانیہ لوڈشیڈنگ اور بجلی قیمتوں میں اضافہ واپس لیا جائے، حکومت عوام پر ٹیکس درٹیکس ظالمانہ نظام ختم کرے۔
دریں اثنا نارتھ کراچی میں کے الیکٹرک کے دفتر کے باہر مظاہرین نے احتجاج کیا، اس موقع پر پولیس نے مظاہرین سے مذکرات کیے۔
احتجاجی مظاہرین نے مطالبہ کیا کہ شدید گرمی اور ہیٹ ویو میں بجلی کی لوڈ شیڈنگ اور مرمت کا کام بند کرکیا جائے۔
اس کے علاوہ لسبیلہ میں بھی بجلی کی غیراعلانیہ لوڈشیڈنگ کے خلاف اہل علاقہ نے احتجاج کیا، احتجاج کے باعث ٹریفک جام میں پھنسےشہریوں کو شدید پریشانی کا سامنا کرنا پڑا۔
