نئی دہلی: نام نہاد جمہوریت کے دعویدار بھارت میں اقلیتوں پر ہونے والے مظالم کسی سے ڈھکے چھپے نہیں، مگر اب حکمران جماعت کے رہنماء بھی سرعام قتل عام کی دھمکیاں دینے لگے ہیں۔
غیر ملکی ذرائع ابلاغ کے مطابق بھارتی حکمران جماعت بی جے پی کے رہنما کرنیل سنگھ کی ایک ویڈیو سوشل میڈیا پر گردش کررہی ہے، جس میں وہ 2لاکھ مسلمانوں کو قتل کی دھمکی دے رہا ہے۔
رپورٹ کے مطابق بی جے پی رہنماء کرنیل سنگھ دہلی میں ایک پولیس آفیسر سے بات چیت کے دوران 2 لاکھ مسلمانوں کو جان سے مار دینے کی دھمکی دیتے ہوئے کہتا ہے کہ میں ان سب کو کاٹ دوں گا۔
ویڈیو تیزی کے ساتھ سوشل میڈیا پر وائرل ہو رہا ہے جس میں دیکھا جاسکتا ہے کہ بی جے پی کا کھنڈوا پہنے ہوئے یہ شخص پولیس کے سامنے دھمکی دے رہا ہے۔
واضح رہے کہ پولیس کے سامنے دھمکی دینے کے باوجود مذکورہ بی جے پی رہنماء کے خلاف کوئی کارروائی عمل میں نہیں لائی گئی۔
