ٹی ٹوئنٹی ورلڈ کپ کی تاریخ میں پہلی بار دو ناقابل شکست ٹیمیں فائنل ایک دوسرے کے مد مقابل آئیں گی۔
ٹی ٹوئنٹی ورلڈ کپ 2024 میں جنوبی افریقا اور انڈیا کی ٹیمیں کوئی میچ نہیں ہاری، فائنل میں جو ٹیم کامیاب رہے گی وہ ناقابل شکست رہتے ہوئے ٹورنامنٹ جیتنے والی پہلی ٹیم کا اعزاز حاصل کرلے گی۔
1979 کے بعد مجموعی ورلڈ کپ مقابلوں میں پہلی مرتبہ دو ناقابل شکست ٹیمیں ایک دوسرے کے مد مقابل ہوں گی۔
- Advertisement -
واضح رہے کہ دفاعی چیمپئن انگلینڈ کو 68 رنز کے سے شکست دے کر بھارت نے تیسری بار ٹی ٹوئنٹی ورلڈکپ کے فائنل کے لیے اپنی جگہ پکی کرلی۔
بھارت انگلینڈ کو شکست دیکر تیسری بار ٹی ٹوئنٹی ورلڈکپ کے فائنل میں پہنچ گیا
بھارت نے تیسری بار آئی سی ٹی 20 ورلڈکپ فائنل کیلئے کوالیفائی کیا ہے جہاں اس کا مقابلہ جنوبی افریقہ سے ہوگا، دفاعی چیمپئن انگلینڈ کی بیٹنگ اس میچ میں بے بس نظر آئی اور 172 رنز کے تعاقب میں پوری ٹیم 17ویں اوور میں 103 رنز پر ڈھیر ہوگئی۔
