اسلام آباد : اسٹیشنری پر 10 فیصد ٹیکس عائد کرنے کا فیصلہ کرلیا، اریزر، پنسل، شارپنرز پر بیس فیصد سیلز ٹیکس کی تجویز ہے۔
تفصیلات کے مطابق ترمیمی فنانس بل دوہزار چوبیس میں اسٹیشنری پر دی گئی سیلز ٹیکس چھوٹ ختم کرنے کا فیصلہ کرلیا گیا۔
ترمیمی فنانس بل میں اسٹیشنری پر سیلز ٹیکس چھوٹ ختم کر کے دس فیصد ٹیکس عائد کرنے کی تجویز ہے، مختلف برانڈز کی کلر پنسل سیٹ ، فاؤنٹین پین، سیاہی ، بال پن اور مارکرز پر 10 فیصد سیلز ٹیکس عائد ہو گا۔
اس کے علاوہ اریزر، پنسل، شارپنرز پر بیس فیصد سیلز ٹیکس کی تجویز ہے۔
مزید پڑھیں : حکومت کا اسٹیشنری پر عائد 10 فیصد سیلز ٹیکس واپس لینے کا عندیہ
یاد رہے حکومت نے اسٹیشنری پر عائد 10 فیصد سیلز ٹیکس واپس لینے کا عندیہ دیا تھا، چیئرمین ایف بی آر نے سینیٹ کی قائمہ کمیٹی خزانہ کو یقین دہانی کروادی، حکومت کو اسٹیشنری پر جی ایس ٹی سے 2 سے 3 ارب روپے آمدن متوقع تھی۔
سینیٹر محسن عزیز نے کہا تھا کہ اسٹیشنری مہنگی ہونے سے غریب طبقہ بچوں کو تعلیم نہیں دے سکے گا۔