شہر کراچی میں کئی ہفتوں سے بجلی کی بدترین لوڈشیڈنگ کیخلاف ایم کیو ایم پاکستان نے شدید ردعمل کا اظہار کیا ہے۔
مرکزی کمیٹی ایم کیو ایم کا کہنا تھا کہ کے الیکٹرک کی ہٹ دھرمی کسی صورت ختم نہیں ہورہی، ترسیلی نظام کی بہتری کے نام پر دھوکادہی کے سوا کے الیکٹرک نے کچھ نہیں دیا۔
کے الیکٹرک کاعملہ کھلےعام کنڈہ مافیا کے سرغنہ کا کردار ادا کررہا ہے، سارا بوجھ ایمانداری سے بل ادا کرنے والے صارفین پر منتقل کردیا جاتا ہے۔
مرکزی کمیٹی ایم کیو ایم نے کہا کہ شہریوں کے صبرکا پیمانہ لبریز ہوچکا جو پہلے سے مخدوش حالات کو مزید خراب کر سکتا ہے۔
اراکین مرکزی کمیٹی نے کہا کہ وفاقی حکومت کے الیکٹرک کو لوڈشیڈنگ دورانیہ کم سے کم کرنے کا پابند کرے، غیر اعلانیہ لوڈشیڈنگ کو بالکل ختم کیا جائے۔
