اسلام آباد : پاکستان تحریک انصاف (پی ٹی آئی) اسلام آباد کے صدر عامر مغل ایک بار پھر گرفتار کرلیا گیا۔
تفصیلات کے مطابق پولیس نے پاکستان تحریک انصاف (پی ٹی آئی) اسلام آباد کے صدر عامر مغل کو ایک بار پھر گرفتار کرلیا، ان کو ڈی سی آفس کے باہر سے گرفتار کیا گیا۔
پی ٹی آئی کے وکیل عاصم بیگ کی جانب سے ) اسلام آباد کے صدر کی گرفتاری کی تصدیق کردی گئی ہے۔
دوسری جانب پی ٹی آئی اسلام آباد کے صدر کی گرفتاری پر سابق وزیر فواد چوہدری نے اسلام آباد ہائی کورٹ میں میڈیا سے گفتگو کرتے ہوئے کہا کہ 6جولائی پی ٹی آئی کا جلسہ ہے اور آج عامر مغل کو گرفتار کر لیا گیا ، پاکستان میں آئین اور قانون عملی طور پر معطل ہے۔
فواد چوہدری کا کہنا تھا کہ بیجنگ میں سی پیک کانفرنس کیلئے اسلام آبادہائیکورٹ سے رجوع کیا، ہم نے ای سی ایل سے نام نکلوانے کے لئے پٹیشن دائر کی ہے لیکن اسوقت آئینی حقوق بھی سلب ہیں جب چاہےجس کوچاہیں گرفتار کر لیں۔
