کراچی: ہفتہ وار رپورٹ میں بتایا گیا ہے کہ پاکستان اسٹاک ایکسچینج میں اس ہفتے کے دوران 1.92 ارب شیئرز کے سودے ہوئے۔
تفصیلات کے مطابق پاکستان اسٹاک ایکسچینج میں کاروباری ہفتے میں کافی مثبت رجحان رہا، 100 انڈیکس ہفتہ بھر میں 1767 پوائنٹس اضافے سے 80212 پر بند ہوا، کاروباری ہفتے میں 100 انڈیکس کی بلند ترین سطح 80888 رہی،
ہفتہ وار رپورٹ میں بتایا گیا کہ کاروباری ہفتے میں انڈیکس کی کم ترین سطح 78274 رہی، 100 انڈیکس کاروباری ہفتے میں 2641 پوائنٹس کے بینڈ میں رہا۔
- Advertisement -
رپورٹ سے ظاہر ہوتا ہے کہ اسٹاک ایکسچینج کے ہفتہ وار کاروبار کی مالیت 91 ارب روپے رہی، مارکیٹ کیپٹلائزیشن ایک ہفتے میں 219 ارب سے بڑھ کر 10595 ارب ہوگیا۔
