بڑھے ہوئے پیٹ کی وجہ سے اچھے خاصے انسان کی شخصیت شدید متاثر اور شرمندگی کا باعث ہوتی ہے، جس سے چھٹکارا پانے کی ہر ممکن کوشش کی جاتی ہے۔
کوئی بھی انسان بڑھے ہوئے پیٹ کے ساتھ خود کو آرام دہ محسوس نہیں کرتا، پیٹ کی چربی کم کرنے کے لئے بہت سی ورزشیں بھی ہوتی ہیں لیکن ہرکسی کے لئے جِم جانا یا ورزش کے لئے وقت نکالنا ممکن نہیں ہوتا۔
آج ہم بڑھے ہوئے پیٹ سے متاثرہ افراد کیلیے دو نسخے بیان کریں گے جو یقیناً فائدہ مند ثابت ہوں گے، اس لیے اگر آپ نیچے دیئے گئے طریقے آزمانے کی باقاعدگی سے کوشش کریں تو ممکن ہے کہ آپ اپنے مقصد میں کامیاب ہوسکیں۔
پہلا نسخہ :
سونٹھ ایک چمچ، پودینہ ایک چمچ، کلونجی ایک چمچ، دیسی اجوائن ایک چمچ، کالا زیرہ ایک چمچ، سونف ایک چمچ، چھوٹی الائچی ایک چمچ۔
یہ تمام اجزاء پیس کر رکھ لیں، کھانے کے بعد آدھا چمچ صبح و شام قہوہ کے ساتھ لیں، اس سے اضافی چربی ختم ہوگی اور بڑھا ہوا پیٹ خود بخود اندر ہوجائے گا۔
سونف سے آپ کو باربار بھوک نہیں لگے گی، سونٹھ آپ کا کھاناہضم کرے گی، کالا زیرہ، اجوائن اور پودینہ اضافی چربی کو ختم کرنے میں مدد کریں گے اورکلونجی میں تو کسی ایک کی نہیں بلکہ ہرمرض کی شفاء ہے۔
دوسرا نسخہ :
ایلو ویرا جیل دوچمچ، ہرا دھنیا کی پتیاں دوچمچ، کھیرا چھلاہوا ایک عدد، ادرک ایک انچ کاٹکڑا، ایک لیموں کارس۔
ان تمام اجزاء کو ایک کپ پانی کے ساتھ بلینڈ کریں اور صرف ایک چٹکی کلونجی ملا کر صبح کے وقت ناشتے سے ایک گھنٹہ پہلے پی لیں، صرف تیس دن کے اندر باقاعدگی سے استعمال کرنے سے بڑھاہوا پیٹ اندر ہوجائے گا۔
ہرا دھنیا کی صرف پیتاں لیں یہ وزن کم کرتی ہیں جبکہ اسکی ڈنڈیاں وزن بڑھاتی ہیں۔ لیموں اورایلو ویرا جیل چربی کو ختم کرنے میں اہم کردار اداکرتے ہیں۔ ساتھ ساتھ اپنی غذا کا خاص خیال رکھیں اور ہر کھانے کے بعد کم ازکم ایک گھنٹہ تک پانی پینے سے گریز کریں۔
