لاہور: وزیر اعظم شہباز شریف کے احکامات پر نیپرا اور ایف آئی اے نے اووربلنگ انکوائری کا آغاز کر دیا۔
ذرائع لیسکو کے مطابق پروٹیکٹڈ صارفین کو کروڑوں روپے اوور بلنگ شکایات پر انکوائری کا آغاز کر دیا گیا ہے، یہ انکوائری نیپرا اور ایف آئی اے کر رہی ہے۔
جن صارفین کو پروریٹا بل ملے وہ واپس ہو جائیں گے، پروریٹا سسٹم کی منظوری کنسلٹنٹ منسٹری ثاقب جمال اور لیسکو انتظامیہ نے دی تھی، اعلیٰ سطح کمیٹی وزارت اور لیسکو مینجمنٹ ذمہ داران کا تعین کرے گی۔
- Advertisement -
ذرائع کے مطابق افسران کے خلاف کارروائی کے لیے وزیر اعظم آفس کو رپورٹ بھجوائی جائے گی، جب کہ کل شام تک اووربلنگ رپورٹ مرتب کر لی جائے گی۔
خیال رہے کہ پروٹیکٹڈ صارفین کو 3 ہزار کے بجائے 8 ہزار روپے کے بل بھجوائے گئے تھے۔
