کراچی : بحیرہ عرب میں بننے والا تھنڈر سیل مزید طاقتور ہونے لگا، محکمہ موسمیات کا کہنا ہے کہ مون سون سسٹم کا اسپیل آج شام تک سندھ سمیت کراچی میں رہےگا۔

تفصیلات کے مطابق کراچی سمندری ہوائیں منقطع ہے اور حبس کی کیفیت برقرار ہے، محکمہ موسمیات نے بیان میں کہا ہے کہ بحیرہ عرب میں بننے والا تھندرسیل مزید طاقتور ہو رہا ہے۔

محکمہ موسمیات کا کہنا تھا کہ شہر کا درجہ حرارت38 ڈگری تک جاسکتا ہے ، لو پریشرکےباعث شہرمیں ہوائیں معطل ہیں تاہم آج مختلف علاقوں میں کہیں بوندا باندی ،کہیں درمیانے درجے کی بارش متوقع ہیں۔

موسم کا حال بتانے والوں نے کہا ہے کہ مون سون سسٹم کااسپیل آج شام تک سندھ سمیت کراچی میں رہے گا اور اگلا مون سون اسپیل 20 جولائی کے بعد داخل ہوگا ، سندھ سمیت کراچی میں مون سون میں معمول سے زائد بارشیں متوقع ہیں۔

محکمہ موسمیات کے مطابق 11 جولائی سے سمندری ہوائیں مکمل طور پر بحال ہو جائیں گی، جس سے موسم کی صورتحال بہتر ہوگی۔