اسلام آباد : جمیعت علما اسلام ف کے سربراہ مولانا فضل الرحمان نے پی ٹی آئی کو اسمبلیوں سے استعفے دینے کی تجویز دے دی۔
تفصیلات کے مطابق جمیعت علما اسلام ف کے سربراہ مولانا فضل الرحمان سے پی ٹی آئی رہنماؤں کی غیر رسمی ملاقاتوں کی اندرونی کہانی سامنے آگئی۔
ذرائع نے بتایا کہ سربراہ جے یو آئی ف نے پی ٹی آئی کو اسمبلیوں سے استعفے دینے کی تجویزدی اور کہا سڑکوں پر مشترکہ تحریک چلا کر معاملات حل ہوں گے۔
ذرائع کا کہنا تھا کہ تحریک انصاف نے اسمبلیوں سےاستعفوں کے آپشن کو مسترد کردیا اور کہا پہلےبھی اسمبلیوں سےباہرآکرغلطی کرچکے ہیں۔
ذرائع نے کہا کہ رہنما پی ٹی آئی نے مولانا سے مکالمے میں کہا کہ پارلیمنٹ میں رہ کرپھربھی تھوڑا بہت بول لیتے ہیں۔
ذرائع کے مطابق آئندہ ہفتے پی ٹی آئی وفد کی فضل الرحمان سے اتحاد پر فیصلہ کن ملاقات کا امکان ہے۔
