کراچی : یکم اگست سے شروع ہونے والے نئے تعلیمی سال کے حوالے سے نجی اسکول کے طلبا کے لئے اچھی خبر آگئی۔
تفصیلات کے مطابق ڈائریکٹریٹ پرائیویٹ انسٹیٹیوشنز نے سندھ بھر کے نجی اسکولوں کے سربراہوں کو ہدایت نامہ جاری کردیا۔
جس میں کہا ہے کہ یکم اگست سے نئے تعلیمی سال پر 10 فیصد فری شپ کے فارمولے پر عمل کیا جائے۔
- Advertisement -
کراچی، حیدرآباد، میرپورخاص،سکھر،لاڑکانہ اور شہید بینظیر آباد کے ریجنل ڈائریکٹر کو بھی خط ارسال کیا گیا ہے ، جس میں کہا ہے کہ سندھ بھر کے تمام نجی اسکول کی مجموعی تعداد میں سے 10 فیصد بچوں کو فری شپ فراہم کرے۔
خط میں مزید کہا ہے کہ سندھ میں بچوں کے حقوق میں فری اور لازمی تعلیمی ایکٹ2013پر عمل کیا جائے، تمام نجی اسکول کے بچوں کی تعداد کے حوالے سے مکمل ڈیٹا فراہم کریں۔
