اسلام آباد : سپریم کورٹ کی جانب سے مخصوص نشستیں پی ٹی آئی کو دینے کے فیصلے کے بعد حکومت نے قومی اسمبلی میں دو تہائی اکثریت کھو دی۔
تفصیلات کے مطابق سپریم کورٹ کے فیصلے کے بعد قومی اسمبلی میں پارٹی پوزیشن سامنے آگئی، حکومتی اتحاد کی قومی اسمبلی میں نشستیں 210 ہو جائیں گی جبکہ اپوزیشن کی قومی اسمبلی میں نشستوں کی تعداد 125 ہو جائے گی۔
قومی اسمبلی میں ن لیگ کو14، پیپلز پارٹی کو 5، جے یو آئی ف کو 3 اضافی نشستیں ملی تھیں جبکہ کے پی سے جے یو آئی ف کو 10، ن لیگ ،پیپلزپارٹی کو7،7، اے این پی کو 1 اضافی نشست ملی تھی۔
پنجاب سےن لیگ کو 23، پی پی کو 2، ق لیگ ،استحکام پاکستان پارٹی کو1،1اضافی نشست اور سندھ اسمبلی سے پیپلز پارٹی کو2 اور ایم کیو ایم کو 1 مخصوص نشست ملی تھی۔
مزید پڑھیں : تحریک انصاف کی بڑی کامیابی ، مخصوص نشستوں کی اہل قرار
قومی اسمبلی میں پارٹی پوزیشن پی ٹی آئئ کے حق میں ہیں مخصوص نشستیں ملنے کے بعد قومی اسمبلی میں تحریک انصاف اکثریتی جماعت بن جائے گی۔
خیال رہے سپریم کورٹ نے مجموعی طور پر قومی اسمبلی کی 22 نشستوں کو معطل کر رکھا ہے، قومی اسمبلی میں معطل نشستوں میں 3 اقلیتی مخصوص نشستیں بھی شامل ہیں۔
پنجاب اسمبلی میں 24 خواتین کی مخصوص نشستیں اور 3 اقلیتی نشستیں ، خیبر پختون خوا اسمبلی میں 21 خواتین اور 4 اقلیتی مخصوص نشستیں معطل اور ی سندھ اسمبلی سے 2 خواتین کی مخصوص نشستیں اور 1 اقلیتی نشست معطل ہیں.
