بھارت کے دارالحکومت دہلی کا علاقہ بوانہ اچانک پانی کی نذر ہوگیا، جس کے باعث علاقہ مکین حیران و پریشان ہوگئے۔
بھارتی میڈیا کے مطابق بوانہ کے مکین صبح جب بیدار ہوئے تو انہوں نے اپنے آپ کو چاروں طرف سے پانی میں گھرا ہوا پایا۔ ان کا مال مویشی سب کچھ پانی میں ڈوب چکا تھا۔
بوانہ کے مکینو ں کی کھانے پینے کی اشیا کے علاوہ اہم گھریلو سامان بھی پانی کی نذر ہوچکا تھا، اہل علاقہ کا کہنا تھا کہ شہر میں شدید بارش کے بعد ایسی صورت حال پیدا ہو جاتی ہے، مگر بغیر بارش کے ایسا ہوجانا حیران کُن تھا۔
Delhi: Munak canal broke last night near Bawana due to which JJ Colony Madanpur Khadar got submerged. Water has filled up to three feet in the colony. The repair work of the canal is going on. pic.twitter.com/D2TEDiQdUJ
— IANS (@ians_india) July 11, 2024
انتظامیہ کی نا اہلی کے سبب علاقہ مکینوں کے گھر بے وقت پانی میں ڈوب گئے۔
رپورٹ کے مطابق منک نہر کا ایک حصہ ٹوٹ گیا، جس کے باعث آس پاس کے علاقوں میں پانی پھیل گیا، اس سے پہلے کہ انتظامیہ کچھ کرتی، بوانہ پانی میں ڈوب چکا تھا۔
منک نہر کو دہلی کی آبی لائف لائن تصور کیا جاتا ہے، اس نہر میں پانی ہریانہ سے آتا ہے۔ یہ دہلی کے ایک بڑے حصے کو پانی مہیا کرتی ہے، اس نہر کی اہمیت کو دیکھتے ہوئے اس نہر پر گشت بھی کیا جاتا ہے۔
باپ نے 3 بچوں کے ہمراہ کار تالاب میں گرادی، حیران کُن وجہ؟
مقامی افراد کا کہنا ہے کہ انہوں نے نہر کے کمزور ہونے کی شکایت کی تھی کہ کاشتکار منک نہر سے پانی چوری کرنے کے لیے سوراخ کر کے پائپ لگا رہے ہیں، لیکن اس پر کوئی ایکشن نہیں لیا گیا، جس کے سبب حادثہ رونما ہوا۔
