کراچی : سہراب گوٹھ قبرستان سے لڑکی کی بوری بند ٹکڑوں میں لاش برآمد ہوئی ، پولیس حکام کا کہنا ہے کہ لاش 5 روز پرانی ہے۔
تفصیلات کے مطابق کراچی کے علاقے سہراب گوٹھ قبرستان سے لڑکی کی بوری بند ٹکڑوں میں لاش برآمد ہوئی، پولیس نے بتایا کہ لڑکی کی گردن اور دیگر اعضا کو تیز دھار آلے سے کاٹا گیا ہے۔
حکام کا کہنا تھا کہ لاش 5روزپرانی ہے،نامعلوم مقام پرقتل کرکے یہاں پھینکا گیا۔
پولیس جائےوقوعہ پرپولیس موجود ہے، کرائم سین یونٹ کو طلب کرلیا ہے اور تحقیقات کی جارہی ہیں۔
یاد رہے گذشتہ ہفتے کراچی کے علاقے لانڈھی شیرپاؤ کالونی کے قبرستان سےایک انسانی دھڑ برآمد ہوا تھا، پولیس نے بتایا تھا کہ ملنے والے دھڑ کے ہاتھ اور پیربھی کٹےہوئےہیں۔
حکام کا کہنا تھا کہ برہنہ حالت میں ملنے والا دھڑ بھی 2 حصوں میں ملاہے تاہم اس کے قریب سےشناخت کی کوئی چیز نہیں ملی۔
پولیس نے کہا تھا کہ لاش کو بورے میں ڈال کر قبرستان میں پھینکا گہا تھا تاہم قبرستان کےاطراف لگے کیمروں کی فوٹیج حاصل کی جا رہی ہے۔
