پاکستان کرکٹ ٹیم آئندہ برس نیوزی لینڈ کا دورہ کرے گی جس میں تین ون ڈے اور پانچ ٹی ٹوئنٹی میچز پر مشتمل سیریز کھیلی جائیں گی۔
گرین شرٹس کا کیویز کے خلاف آئندہ برس وائٹ بال سیریز کا شیڈول فائنل ہوگیا اور نیوزی لینڈ کرکٹ بورڈ نے اس کا اعلان کر دیا ہے۔
قومی ٹیم آئندہ برس چیمپئنز ٹرافی کے بعد نیوزی لینڈ کا رُخ کرے گی جہاں وہ تین ون ڈے میچز اور پانچ ٹی 20 میچز پر مشتمل سیریز کھیلے گی۔
دونوں ٹیموں کے درمیان وائٹ بال سیریز کا آغاز ٹی 20 فارمیٹ سے 16 مارچ سے ہوگا ہوگا جبکہ ون ڈے سیریز کا آغاز 29 مارچ سے ہوگا۔
طے شدہ شیڈول کے مطابق سیریز کا پہلا ٹی 20 میچ 16 مارچ کو کرائسٹ چرچ، دوسرا 18 مارچ کو ڈنیڈن، تیسرا 21 مارچ کو آکلینڈ، چوتھا 23 مارچ کو تاورانگا جبکہ پانچواں اور آخری ٹی ٹوئنٹی میچ 26 مارچ کو ویلنگٹن میں ہوگا۔
ون ڈے سیریز کے میچز نیپئر، ہملٹن اور تاورانگا میں بالترتیب 29 مارچ، 2 اپریل اور 5 اپریل کو ہوں گے۔
سیریز سے قبل نیوزی لینڈ ٹیم پاکستان آئے گی جہاں وہ پہلے جنوبی افریقہ کے اشتراک سے سہ روزہ ون ڈے سیریز کھیلے گی اور اس کے بعد چیمپئنز ٹرافی میں شرکت کرے گی۔
واضح رہے کہ نیوزی لینڈ بورڈ نے بلیک کیپس کے پاکستان آکر چیمپئنز ٹرافی کھیلنے کی تصدیق کر دی ہے۔
بڑی ٹیم نے پاکستان میں چیمپئنز ٹرافی کھیلنے کی باضابطہ تصدیق کر دی
