لاہور : سی ٹی ڈی پنجاب نے اسامہ بن لادن کے قریبی ساتھی کو گرفتار کرلیا، ملزم کا نام امریکا اور یورپی یونین کی دہشت گردوں کی فہرست میں شامل ہے۔
تفصیلات کے مطابق سی ٹی ڈی پنجاب نے بڑی کارروائی کرتے ہوئے القاعدہ کے سربراہ اسامہ بن لادن کے قریبی ساتھی کو گرفتار کرلیا۔
ڈی آئی جی سی ٹی ڈی عثمان اکرم گوندل نے پریس کانفرنس کرتے ہوئے کہا کہ امین الحق نامی القاعدہ کے دہشت گرد کو گجرات سے گرفتار کیا ہے،ملزم کا نام امریکا اور یورپی یونین کی دہشت گردوں کی فہرست میں شامل ہے۔
عثمان اکرم گوندل کا کہنا تھا کہ اس کے پاس پاکستانی شناختی کارڈ ہے جس پرلاہور اور ہری پور کا پتا ہے، تحقیقات کا آغاز کرچکے ہیں کہ اتنا بڑا دہشت پاکستان میں کیا کررہا تھا اور کن کاغذات پر پاکستان آیا ۔
انھوں نے بتایا کہ ٹی ٹی پی اور القاعدہ ایک پیج پر ہیں جو پاکستان مخالف ہے، گرفتار دہشت گرد1996سے2001 تک القاعدہ کے سربراہ کا سیکیورٹی سپر وائزر تھا۔
