ملک میں بے زبان جانوروں پر وحشیانہ مظالم کا سلسلہ دراز ہوتا جا رہا ہے ایک اور واقعے میں ظالم زمیندار نے گدھی کا پیٹ پھاڑ دیا۔
سانگھڑ میں با اثر شخص کی جانب سے اونٹنی کا پیر کاٹے جانے کے بعد ملزم کے خلاف بروقت اور مثالی کارروائی نہ ہونے کے باعث بے ملک میں بے زبان جانوروں پر وحشیانہ مظالم کا سلسلہ دراز ہوتا جا رہا ہے جس میں انسان انسانیت کی تمام حدیں پھلانگ کر درندگی کی نئی داستان رقم کر رہا ہے۔
اے آر وائی نیوز کے مطابق بے زبان جانور پر سفاکانہ ظلم کا ایک اور واقعہ چنیوٹ میں پیش آیا ہے جہاں ایک با اثر زمیندار نے چارہ کھانے پر درانتی سے گدھی کا پیٹ پھاڑ ڈالا۔
زمیندار ثاقب نے صرف اتنی معمولی بات پر کہ گدھی اس کے کھیتوں میں گھس کر چارہ کھا رہی تھی، پہلے اس پر شدید تشدد کیا اور پھر درانتی سے اس کا پیٹ پھاڑ دیا۔
زخمی گدھی کی آہ وبکا سن کر قریب موجود لوگ وہاں جمع ہوگئے۔
واضح رہے کہ سانگھڑ میں اونٹنی کی ٹانگ کاٹے جانے کا سنگین واقعہ پیش آنے کے بعد حیدرآباد میں گدھے پر بہیمانہ تشدد کرکے ٹانگ توڑ دی گئی تھی جو چند دن شدید اذیت میں رہنے کے بعد ہلاک ہوگیا تھا۔
اس کے بعد پنجاب کے علاقوں پنڈی اور وزیرآباد میں گدھوں پر تشدد کے واقعات پیش آئے جب کہ چند دن قبل ایک ظالم نے سرگودھا میں چارہ کھانے پر بھینس کی زبان کاٹ دی تھی۔
