پورٹ او پرنس: ہیٹی میں تارکین وطن کی کشتی میں آگ لگنے سے 40 افراد لقمہ اجل بن گئے۔
پناہ گزینوں کے عالمی ادارے انٹرنیشنل آرگنائزیشن فار مائیگریشن کا کہنا ہے کہ تارکین وطن کی کشتی میں کل 81 افراد سوار تھے جن میں سے 40 افراد اپنی جان گنوا بیٹھے جبکہ 41 افراد کو ریسکیو کرلیا گیا ہے۔
انٹرنیشنل آرگنائزیشن فار مائیگریشن کے مطابق تارکین وطن کی کشتی کو حادثہ ہیٹی سے ٹرکس اور کایکوس (220 کلومیٹر دور) جزائر جانے کے دوران پیش آیا۔
حکام کا کہنا ہے کہ کشتی میں آگ کس وجہ سے لگی ابھی تک اس کا معلوم نہیں ہوسکا ہے مگر کشتی میں سوار اور مقامی افراد کا کہنا ہے کہ مسافر محفوظ سفر کیلئے ایک مقامی رسم کے طور پر مشعل اور موم بتیاں جلا رہے تھے، جس دوران ڈبوں میں بھرے پیٹرول میں آگ بھڑک اٹھی جس سے پوری کشتی میں آگ لگ گئی۔
اسرائیل: تل ابیب پر ڈرون حملہ، ایک شخص ہلاک، 4 زخمی
واضح رہے ہیٹی میں غربت، بیروزگاری اور لاقانونیت کے باعث ہر سال ہزاروں شہری ملک سے نکلنے کیلئے کشتیوں پر غیرقانونی سفر کرکے بیرون ملک روانہ ہونے کی کوششوں میں مصروف رہتے ہیں۔
