کراچی: شہر قائد کے علاقے بلدیہ میں مددگار 15 پولیس نے ایک تیز ترین کارروائی میں موٹر سائیکل اسنیچر کو دھر لیا۔
تفصیلات کے مطابق بلدیہ کے علاقے گلشن مزدور میں 3 مسلح ڈکیتوں نے ایک شہری سے موٹر سائیکل چھینی اور فرار ہو گئے، تاہم مددگار 15 کے اہلکاروں نے کچھ ہی دیر میں پہنچ کر ڈکیت کو ڈھونڈ لیا۔
متاثرہ شہری نے بتایا کہ اس نے 15 پر کال کر کے پولیس کو واردات سے آگاہ کیا، اور 5 سے 7 منٹ میں پولیس کی گاڑی پہنچ گئی، اہلکاروں نے بروقت کارروائی کرتے ہوئے ڈکیت کو ڈھونڈ لیا اور اس سے موٹر سائیکل برآمد کر لی۔
- Advertisement -
پکنک پر جاتے ہوئے راستے میں گاڑی خراب ہونے پر ڈاکوؤں کا حملہ، گولی لگنے سے ماں بیٹی زخمی
شہری کے مطابق اس کے موٹر سائیکل میں ٹریکر لگا ہوا تھا، شہری سے واردات کرنے والے ڈکیتوں کی تعداد تین تھی، تاہم پولیس کا کہنا ہے کہ دو ڈکیت فرار ہو گئے تھے، جب کہ گرفتار ڈکیت کو تھانہ سعید آباد منتقل کر دیا گیا ہے۔
