حالیہ گرمیوں میں ہونے والے درجہ حرارت میں ہوشربا اضافے سے گرمی کی شدت میں نمایاں اضافہ ہونے لگا ہے، ایسے میں ایئر کنڈیشن (اے سی) ہی ہے جس کی ٹھنڈک جسم کو راحت اور سکون فراہم کرتی ہے۔
موجودہ حالات میں ایئر کنڈیشنگ ایک لگژری آئٹم کے بجائے ضرورت بن چکا ہے، اے سی استعمال کرنا تو آسان ہے مگر جب مہینے کے بعد بجلی کا بل ہاتھ میں آتا ہے ہو ہاتھوں کے طوطے اڑ جاتے ہیں۔
اے سی چلانے سے آپ کے بجلی کے بل پر کافی بھاری اثر پڑ سکتا ہے تو آج کے اس زیر نظر مضمون میں کچھ تجاویز پیش کی جارہی ہیں جن پر عمل کرکے آپ اپنے بجلی کے بل کی رقم پر کافی حد تک قابو پاسکتے ہیں۔
یہاں سوال یہ پیدا ہوتا ہے کہ کیا اے سی چلانے کے باوجود بجلی کے بلوں میں کسی حد تک کمی کی جاسکتی ہے؟ جی ہاں ! اس کا جواب یہی ہے کہ ’ہاں‘ ایسا کرنا ممکن ہے۔ لیکن کیسے؟
مضمون میں کچھ عملی تجاویز دی گئی ہیں جن سے آپ اپنے گھر کو ٹھنڈا رکھ سکتے ہیں جبکہ اخراجات کو بھی قابو میں رکھ سکتے ہیں۔
اے سی کی تنصیب و ترتیب کو بہتر بنائیں :
سب سے پہلے تھرمو اسٹیٹ کو عقلمندی سے سیٹ کریں، زیادہ سے زیادہ توانائی اور بہتر کارکردگی کے لیے 24-26 ڈگری سیلسیس (75-79 ڈگری فارن ہائیٹ) کا ہدف رکھیں، ڈگری کم کرنے سے توانائی کی کھپت میں 8فیصد تک اضافہ ہوسکتا ہے۔
اسمارٹ تھرمو اسٹیٹ کا استعمال :
اسمارٹ تھرمو اسٹیٹ استعمال کریں : اگر آپ کے پاس اسمارٹ ترموسٹیٹ ہے تو، اس کے پروگرام ایبل سیٹنگز اور توانائی بچانے کے طریقہ کار سے فائدہ اٹھائیں۔
پنکھے :
اپنے اے سی کے ساتھ چھت کے پنکھے بھی چلائیں، یہ ٹھنڈک کا اثر پیدا کرتے ہیں، اس عمل سے آپ تھرمو اسٹیٹ کی سیٹنگ چند ڈگری بڑھا سکتے ہیں۔
دروازے اور کھڑکیاں اچھی طرح بند رکھیں
اے سی کو کھولنے سے قبل اس بات کی یقین دہانی کرلیں کہ کمرے سے ہوا بالکل لیک نہ ہو، کھڑکی اور دروازوں میں کوئی خلا نہ رہے تاکہ گرم ہوا کے اندر آنے اور ٹھنڈی ہوا کے باہر جانے کو روکا جاسکے۔
اس کے علاوہ بلیک آؤٹ پردے یا بلائنڈز استعمال کریں تاکہ دھوپ اور گرمی کے بڑھنے کو روکا جا سکے، اس کیلئےریفلکٹیو فلمز بھی مددگار ثابت ہو سکتی ہیں۔
دیکھ بھال اور مرمت
گرمیاں شروع ہونے سے قبل کسی ماہر کاریگر سے اے سی کی مرمت اور سروس کروائیں، فلٹرز کو باقاعدگی سے صاف یا تبدیل کریں تاکہ اس کی کارکردگی مزید بہتر ہو۔
اے سی کے آؤٹ ڈور یونٹ کو صاف رکھیں، یونٹ کے ارد گرد کی رکاوٹیں ہٹا کر صفائی رکھیں تاکہ ہوا کی روانی یقینی بنائی جاسکے اور اگر ممکن ہو تو آؤٹ ڈور یونٹ کو سائے میں لگائیں۔
شام کی ٹھنڈی ہواؤں سے بھی لطف اندوز ہوں۔
شام کے ٹھنڈے وقت میں کھڑکیاں کھولیں تاکہ تازہ ہوا اندر آسکے لیکن دن کے اوقات میں انہیں بند رکھیں۔
ہلکے اور ڈھیلے کپڑے پہنیں :
گرمیوں میں ہلکے رنگ کے کپڑے پہنیں جو ڈھیلے بھی ہوں، اس کے علاوہ کھانا بنانے کیلئے اوون کے بجائے مائیکرو ویو یا گِرل کا استعمال کریں تاکہ اندرونی حرارت کو کم کیا جا سکے اور دن بھر میں زیادہ سے زیادہ پانی پی کر جسم میں پانی کی کمی نہ ہو نے دیں۔
کولنگ کے متبادل اور طرز زندگی میں تبدیلیاں
شام کے ٹھنڈے وقت میں کھڑکیاں کھول لیں تاکہ تازہ ہوا اندر آسکے لیکن دن کے اوقات میں انہیں بند رکھیں، کھڑکیوں میں پنکھے رکھیں تاکہ کراس وینٹیلیشن پیدا ہو، اپنے جسم کو ٹھنڈا کرنے کے لیے شام کو ٹھنڈے پانی سے نہائیں۔
ان تجاویز اور حکمت عملی کو اپنا کر آپ توانائی کی کھپت کو کم کرسکتے ہیں اور ساتھ ہی ایک آرام دہ اور ٹھنڈے ماحول کا مزہ لے سکتے ہیں۔ یاد رکھیں، چھوٹی چھوٹی تبدیلیاں آپ کی راحت اور آپ کے بجٹ دونوں پر بہت گہرا اثر ڈال سکتی ہیں۔
